
Carvalho Calero como epicentro das nossas contradiçons
Até que enfim, o Professor Ricardo Carvalho Calero vai ser o autor homenageado no Dia das Letras Galegas por decissom da Real Academia Galega, a instituiçom que estabeleceu esta data e que portanto designa a figura a reivindicar em tal celebraçom.
Deveriamos interpretar que foi a pressom popular a que condicionou esta decissom? Deveriamos entender isto como umha vitória do reintegracionismo? Há que colegir que existe umha mudança de talante dentro da Academia e que soprarám no sucessivo ventos de entendimento entre as façons político-lingüísticas? A simples vista, que o sempre marginalizado e silenciado Carvalho Calero seja no ano 2020 o protagonista da festa grande das letras deveria convidar a lê-lo assim, mas já há vozes conetadas ao poder acadêmico que se apressarom a enviar-lhe ao reintegracionismo a mensagem de que nom devem interpretar a homenagem a Carvalho como um sucesso, ou umha ponte ao diálogo.
Se eu tenho que tirar conclusons a respeito desta decissom a travês da análise de texto de artigos e outras manifestaçons aparecidas na imprensa, Carvalho foi designado para superar umha etapa pola porta falsa e assim matar o debate que propiciava a sua figura, a sua simples presença. Que o reintegracionismo nom poida pôr sobre o tapete ao Carvalho Calero para abrir fogo num confronto de ideias. Quando se fala de reparar um inexplicável agravo por cima da questom normativa e pretendendo demonstrar além disso que se fai apesar de ou em contraposiçom com os reintegracionistas, o que se está e a ser cínico. Quando se afirma que em Carvalho Calero a opçom ortográfica é um tema secundário, está-se a mentir. O cisma total entre reintegracionismo e isolacionismo marca-o o abandono da RAG por parte do Professor Ricardo Carvalho Calero. Abandonou a RAG por considerar que as normas gramaticais do galego propugnadas pola Academia levavam à dialetalizaçom da língua, e se hoje continua havendo reintegracionismo é porque essa tese nom fai mais que confirmar-se com o passo das décadas e as geraçons. Portanto, impossível passar por alto que Carvalho Calero representa umha posiçom a respeito da língua.
Os desprezos à figura de Carvalho Calero lançados desde o isolacionismo mais ultra em forma de acusaçons sem prova nem fundamento, para fornecer a determinados ravanhos de certo argumentário superficial que lhes permita rechaçar qualquer cousa que tiver a ver com ele (é um medíocre, é um reaccionário, etc...) nom fam mais do que evidenciar que a normativa nom é em Carvalho umha questom secundária; nem o foi nunca, nem o pode ser hoje, nem é imaginável que o seja no futuro. Por muitas tentativas que se fagam de difuminar a questom normativa, Carvalho Calero é aquele homem que um dia afirmou que o galego ou é galego-português, ou é galego-castelhano, que nom havia termo meio.
Se para explicar e justificar que porquê Carvalho Calero e porquê agora há que menosprezar e insultar aos reintegracionistas, é que a jogada que se pretende fazer nom é excessivamente limpa. Se se fala de reparar um agravo, o primeiro que há que fazer é reconhecer o motivo desse agravo. Foi mantido à margem mesmo depois de morto, porque reconhecé-lo seria normalizar os seus posicionamentos e explicar o papel da RAG naquele momento. Se Carvalho Calero nom estava errado, entom nom tem sentido que os escritores atuais que seguem os postulados reintegracionistas continuem sendo vetados em concursos literários ou no mundo da ediçom.
A Carvalho Calero vam-no homenagear os mesmos que lhe fecham portas aos seus herdeiros mais diretos. E nada vai mudar depois do 17 de Maio de 2020. Já o estám a avisar. Pretender homenagear a Carvalho Calero passando por cima da questom normativa é pretender cobrir o trámite enquanto se perpetua umha situaçom: a da criminalizaçom do reintegracionismo, justificando assim a descriminaçom por motivos ideológicos de miles de pessoas. O que nom vou fazer eu é de palmeiro gratuito de umha decissom da RAG tomada sem contar com e inclusso contra o reintegracionismo.
Itens relacionados (por tag)
- Comunicado da Associaçom de Estudos Galegos em favor do prolongamento ao ano 2021 da Homenagem Nacional a Ricardo Carvalho Calero
- Reediçom do Scórpio carvalhano na Através Editora: feliz iniciativa, oportunidade perdida
- Carvalho Calero, três finais hipotéticos e umha certeza
- [Áudio] Carvalho Calero sobre reintegracionismo e normalizaçom do galego (1985)
- Mais umha imagem de lançamento da AEG
1118 comentários
Choosing Suitable Bank To Get Your Business 카카오 대출
The Expert Guide To Private Adult Adhd Assessment Adhd assessment uk cost
What's The Current Job Market For Upvc Windows Repair Professionals Like?
Upvc Windows Repair
You'll Be Unable To Guess Upvc Window Repairs Near Me's Tricks
upvcwindows
10 Reasons That People Are Hateful Of Pills To Treat Anxiety anxiety non medication treatments (Sallie)
Repair Misted Double Glazing Near Me Tips To Relax
Your Daily Life Repair Misted Double Glazing Near Me Trick That Should Be Used By Everyone Know Double Glazing Near Me - Posteezy.Com -
What's The Job Market For Double Glazing Repairs Near Me Professionals?
double glazing repairs near me
10 Things You've Learned In Preschool That'll
Help You Understand Windows Milton Keynes Front Doors Milton Keynes
10 Quick Tips About 10 Kg Washing Machine 023456789
5 Killer Quora Questions On Anxiety Disorder Social Extreme anxiety Disorder (okerclub.ru)
Deixe um comentário