Autenticar
Main menu

A AEG utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar
Assi ou assim? Aquel ou aquele? Sou ou som? Antonte, anteonte, noutronte...?

Assi ou assim? Aquel ou aquele? Sou ou som? Antonte, anteonte, noutronte...?

Gostaria de saber se as formas assi/assim som admitidas, bem como as formas el/ele e aquel/aquele; tenho dúvidas também referidas à primeira forma do presente do indicativo do verbo ser: por vezes aparece em textos galego-portugueses como sou e noutros como som. À parte disto, tenho ouvido sempre na minha casa o termo noutronte e gostaria de saber se existe umha forma galego-portuguesa adaptada, como poderia ser noutrontem, na hora de grafá-la.

 

Paulo Mouteira

 

 

RESPOSTA DA COMISSOM LINGÜÍSTICA

Com efeito, na codificaçom da variedade galega do galego-português efetuada pola Comissom Lingüística da Associaçom de Estudos Galegos, som admitidas tanto a forma assi como assim do advérbio de modo, tanto a forma el como ele do pronome pessoal masculino da terceira pessoa do singular, e tanto a forma aquel como aquele do pronome demonstrativo masculino singular do terceiro grau (v. Compêndio Atualizado das Normas Ortográficas e Morfológicas do Galego-Português da Galiza: pág., respet., 147, 99, 101).

Quanto à primeira pessoa do singular do presente do indicativo do verbo ser, diga-se que, na codificaçom da variedade galega do galego-português efetuada pola Comissom Lingüística da Associaçom de Estudos Galegos, som admitidas tanto a forma som (esta, maioritária na Galiza atual) como a forma sou (esta, comum com a das variedades lusitana e brasileira da língua): v. Compêndio Atualizado das Normas Ortográficas e Morfológicas do Galego-Português da Galiza: pág. 136.

Finalmente, polo que di respeito ao advérbio de tempo noutronte, que denota o dia anterior ao de onte, cumpre ter presente que se trata de umha variante dialetal de antonte ou anteonte, as formas consideradas supradialetais na codificaçom do galego efetada pola Comissom Lingüística, por convergência com a correspondente forma supradialetal luso-brasileira, ou seja, anteontem (v. Compêndio Atualizado das Normas Ortográficas e Morfológicas do Galego-Português da Galiza: pág. 145). Portanto, num texto ou contexto formal, em galego nom se deve utilizar a forma noutronte, mas si ant(e)onte.

 

Última modificação emTerça, 05 Junho 2018 11:30
Avalie este item
(18 votos)

5045 comentários

Deixe um comentário

Certifique-se de preencher os campos indicados com (*). Não é permitido código HTML.

voltar ao topo

Facebook Twitter RSS Global