
Extrato da «Apresentaçom do tradutor» de 'Recordes dos Seres Vivos', de K. Richarz e B. P. Kremer (Laiovento, outubro de 2018)
Carlos Garrido
Com a presente versom galega da obra Organismische Rekorde, de Klaus Richarz e Bruno P. Kremer, o tradutor [Carlos Garrido] salda umha dívida que contraíra desde que começou a dedicar-se à traduçom de textos científicos, tanto na qualidade de investigador e docente, como na de praticante. Com efeito, tendo este tradutor vertido para galego-português já dous livros didáticos do campo da Biologia e dous artigos de divulgaçom científica, na sua atividade tradutiva ainda permanecia sem atender um importante género textual da socializaçom do conhecimento científico —o livro de divulgaçom—, que, com estes Recordes dos Seres Vivos, fica agora bem servido. Nom será preciso espraiar-se neste lugar sobre a fundamental significaçom que, para umha comunidade sociocultural como a galega, e para umha língua (socialmente menorizada) como o galego-português da Galiza, detém hoje a redaçom, traduçom e publicaçom de livros de divulgaçom técnico-científica. Tenha-se, em conta, além disso, que, se já os livros de divulgaçom científica originalmente compostos em galego som ainda muito raros, o número de livros divulgadores do campo técnico-científico traduzidos em galego continua a ser verdadeiramente ridículo (e, provavelmente, nom superior à meia dúzia), o que patenteia o escasso avanço sociolingüístico (real) experimentado polo galego nos últimos tempos e o tacanho compromisso do poder político com a (sincera) promoçom da língua autóctone da Galiza.
Daí, por conseguinte, a grande releváncia sociolingüística que umha traduçom como esta poderia apresentar, traduçom que, se nom estivéssemos já desiludidos (desesperançados ainda nom estamos!) pola dura realidade das atitudes e dos factos, tamém poderíamos dizer que modestamente vem preencher umha lacuna e que, sobretodo, aspira a servir de modelo e estímulo para ulteriores empreendimentos nesta área. De resto, a presente obra Recordes dos Seres Vivos envolve, para qualquer comunidade sociocultural, um considerável interesse intrínseco polo seu escopo, que consiste em refletir, de forma amena e atraente, na linha do chamado infotenimento (= informaçom [rigorosa] + entretenimento [formativo]), e reparando num conjunto de valores extremos («recordes») dos organismos, dous princípios basilares do fenómeno vital: em primeiro lugar, como os seres vivos, graças à variaçom intraespecífica e à subseqüente seleçom natural, apresentam umha assombrosa capacidade de adaptaçom ao meio, e, em segundo lugar, como, na esteira da interaçom entre adaptaçom (divergente) e contingência —o acaso e a necessidade—, surge no mundo vivo umha estonteante multiplicidade, umha exuberante e fascinante biodiversidade. Estes dous princípios, é claro, constituem o cerne do processo natural designado por evoluçom, o qual, como lapidarmente formulou Theodosius Dobzhansky, a todo dá sentido em Biologia.
Antes de findarmos estas linhas, será conveniente declarar que o modelo de língua que inspira a nossa traduçom corresponde a um galego «nom secessionista», portanto nom subordinado ao castelhano e naturalmente coordenado, de um ponto de vista ortográfico, morfossintático e lexical, com as suas variedades geográficas lusitano e brasileiro, no seio das quais a língua se manifesta com vigor no ensino e divulgaçom da ciência. Por conseguinte, polo que di respeito aos usos léxico-semánticos, tomamos aqui como referência a língua culta e especializada utilizada no ámbito luso-brasileiro, peneirada e complementada por contributos codificadores da Galiza como O Modelo Lexical Galego, da Comissom Lingüística da aeg/agal (2012), e o Manual de Galego Científico, de Garrido e Riera (2011). Nesse sentido, ensaiamos na presente traduçom o expediente de assinalarmos em nota de rodapé todos aqueles casos significativos em que umha palavra surgida na nossa versom galega nom coincide com a respetiva soluçom utilizada habitualmente em Portugal (e, secundariamente, no Brasil). Com esta estratégia pretendemos, por um lado, facilitar a receçom textual a um público português (e lusófono extragalego, em geral) e, por outro, patentearmos ao público leitor da Galiza como um galego genuíno, plenamente regenerado, se encontra extremamente próximo do lusitano e do brasileiro, e como com estes aquele pode e deve interagir num «diálogo» solidário, igualitário e enriquecedor. No entanto, é claro que nom podemos perder o contacto com a triste realidade cultural da Galiza atual (largamente desgaleguizada, castelhanizada), e nom se nos oculta que, por culpa do muito deficiente corpus e do assaz insuficiente status que o poder político tem reservado ao galego, muitos dos potenciais leitores deste livro nele estranharám palavras e locuçons legitimamente galegas, e que, para as assimilarem, eles precisarám de realizar um pequeno esforço, que, em qualquer caso, sempre se revelará gratificante.
Satisfeitos, em conseqüência, por podermos dar aqui um pequeno contributo para a promoçom do galego e para o enriquecimento cultural dos galegos, e tamém por podermos levar novamente à prática aquilo que já expugemos na monografia A Traduçom do Ensino e Divulgaçom da Ciência (2016), resta-nos agradecer o bom acolhimento dispensado a este projeto pola editora Laiovento e polos seu responsáveis, Sres. Afonso Ribas e Pepe Carreiro, bem como desejar ao público umha amena e instrutiva leitura.
Itens relacionados (por tag)
- Já disponível o 'Compêndio atualizado das Normas Ortográficas e Morfológicas'
- Pequena crónica de um encontro singular. Para Fernando Venâncio.
- Dicionário Visual da Através Editora, belo e eficaz recurso para a aquisiçom e aperfeiçoamento do léxico galego (e português)
- Prontuário de Apelidos Galegos, ferramenta básica para umha cabal regeneraçom dos nossos nomes de família
- A Associaçom de Estudos Galegos em memória do companheiro Afonso Mendes Souto
1011 comentários
After you compare offers, you can amlodipine when to take at superb savings to help minimize symptoms and feel healthier amlodipine generic
You can easily go online to check the amlodipine vs metoprolol after comparing multiple offers amlodipine potassium
Take the time to shop around when you want to what is losartan used for from responsible pharmacies online if you desire competitive losartan medicine
Excellent prices can be found when you use online discounts to losartan 100 mg tablets . ED problems quickly resolved! losartan class
Any consumer can easily losartan vs losartan potassium pills you need to comparison shop. losartan goodrx
you happen to be searching for a successful remedy, you should naproxen vs tylenol by shopping online. naproxen 375mg tablets information
Your privacy should be safeguarded when you levothyroxine generic for synthroid , an effective treatment, at greatly reduced prices can levothyroxine cause weight gain
Check metoprolol iv to po conversion is one way to save time and money. metoprolol and alcohol
And convenience are the main reasons for buying what is levothyroxine used for from trusted pharmacies online Corruption and violence are high levothyroxine and bone loss
You can naproxen pills about your problem. naproxen sodium side effects
Deixe um comentário